Congratulations Classes of 2019 ! Y-Max College ၏ပထမအကြိမ် ဘွဲ့နှင်းသဘင် အခမ်းအနားကြီးကို ရန်ကုန်မြို့ Lotte Hotel, Crystal Ballroom ခန်းမကြီးမှာ 29.12.2019 ( Sunday ) မနက် ၉:၀၀ နာရီအချိန်တွင် စည်ကားသိုက်မြိုက်စွာ ကျင်းပပြုလုပ်ခဲ့ပါတယ်။ ဘွဲ့နှင်းသဘင်အခမ်းအနားကြီးသို့ တက်ရောက် ချီးမြှင့်ပေးကြသော ဂုဏ်သရေရှိ မဟာဘွဲ့ရ၊ ဒေါက်တာဘွဲ့ရ ဆရာကြီး၊ဆရာမကြီးများ၊ Lincoln University College, Malaysia မှ Vice Chancellor/CEO ဖြစ်သူ Professor Dr.Amiya နှင့် ဖိတ်ကြားထားသော ဧည့်သည်တော်များ၊ ဘွဲ့ရမောင်မယ် များ၊ မိဘဆွေမျိုးများ နှင့် MC အဖြစ် ပါဝင်ဆောင်ရွက် ပေးသော မစုမွန် တို့ကို Y-Max College မှ အထူး ကျေးဇူးတင်ရှိပါကြောင်းမှတ်တမ်းတင်ဂုဏ်ပြုအပျပါတယျ။ အခမ်းအနားစတင်ချိန်တွင် မြန်မာနိုင်ငံတော် အလံကိုအလေးပြု၍ နိုင်ငံတော် သီချင်းသီဆိုခြင်းဖြင့် စတင်ဖွင့်လှစ်ခဲ့ပြီး Y-Max College ၏ Founder/CEO ဖြစ်သူ ဦးဖြိုးအာကာ၊ MD ဖြစ်သူ ဒေါ်ယွန်းအိနွေ နှင့်  Lincoln University College, Malaysia မှ Vice Chancellor/CEO ဖြစ်သူ Professor Dr.Amiya တို့မှ အဖွင့်အမှာစကားများ အသီးသီး ပြောကြားပေးခဲ့ပါတယ်။ထို့နောက် ဘွဲ့ရ မောင်မယ်များအား ဘွဲ့လက်မှတ်များ အပ်နှင်းကာ၂၀၁၉ ခုနှစ်အတွက် Scholarship ရရှိကြသူများ နှင့် ဘက်စုံထူးချွန်ဆုရ ကျောင်းသား ကျောင်းသူ (၂၀ ) ကျော်ကိုလည်း သက်ဆိုင်ရာ ဆုအသီးသီး ပေးအပ်ချီးမြှင့်ခဲ့ပါတယ်။ ထို့အပြင် ကျောင်းသားများထဲမှ အမှတ်တရစကားများ ပြန်လည် ပြောကြားခြင်းနှင့်အတူ အမှတ်တရဓာတ်ပုံများကို  ရိုက်ကူးကာ YMC ၏ ပထမဦးဆုံး အကြိမ်ဘွဲ့နှင်းသဘင် အခမ်းအနားကြီးကို စည်ကားသိုက်မြိုက် အောင်မြင်စွာ ကျင်းပနိုင်ခဲ့ပါတယ်။Y-Max College အနေဖြင့် ယခုနှစ် ပထမအကြိမ် ဘွဲ့နှင်းသဘင်အခမ်းအနားကြီးတွင် ဘွဲ့ရမောင်မယ် (၃၀၀) ကျော်အား အောင်မြင်စွာ မွေးထုတ်ပေးနိုင်ခဲ့ပြီး ဘွဲ့နှင်းသဘင်မှတစ်ဆင့် ဘွဲ့ရမောင်မယ်များကိုယ်စား မိဘများနှင့်ထပ်တူ များစွာဂုဏ်ယူဝမ်းမြောက်မိပြီး နောင်အနာဂတ်ခရီးလမ်းကြောင်းတစ်လျှောက်တွင်လည်း အောင်မြင်မှုများကိုထပ်မံဆွတ်ခူး ရရှိနိုင်ကြပါစေ ကြောင်း ဆုမွန်ကောင်း တောင်းအပ်ပါတယ်။Y-Max College အနေဖြင့် ယခုလိုပထမအကြိမ် ဘွဲ့နှင်းသဘင်အခမ်းအနားကြီးမှာတင် ဧည့်ပရိတ်သတ် ပေါင်း ထောင်ဂဏန်းနီးပါးဖြင့်ခမ်းနားထည်ဝါစွာ ကျင်းပပြုလုပ်နိုင်ခဲ့တာဖြစ်လို့ ပါဝင်စီစဉ်ကြသူများ၊ တက်ရောက်ချီးမြှင့်ပေးကြသူ တစ်ဦးတစ်ယောက်စီ တိုင်းကို ကျေးဇူးအထူးပင် တင်ရှိပါကြောင်း ထပ်ဆင့် မှတ်တမ်းတင်အပ်ပါတယ်။ ယခုလို ဘွဲ့နှင်းသဘင်အခမ်းအနားကြီး ဖြစ်မြောက် အောင် ပူးပေါင်းဆောင်ရွက်ပေးကြတဲ့ နိုင်ငံတကာမှ ဂုဏ်သိက္ခာကြီးမားသော Y-Max College ၏ Partnership ပညာရေးအဖွဲ့အစည်းကြီးများ ဖြစ်ကြတဲ့ Scottish Qualification Authority ( SQA, UK ) , နှင့် Lincoln University College ( LUC, Malaysia ) , NCFE (UK) နှင့် MDIS (Singapore) တို့မှ တာဝန်ရှိ လူကြီးမင်းများ အားလုံးကိုလည်း အထူးကျေးဇူးတင် ရှိကြောင်း မှတ်တမ်းပြုအပ်ပါတယ်။ နောင်လာမယ့် နှစ်တွေမှာလည်း ယခုလို ကြီးကျယ် ခမ်းနားသော ဘွဲ့နှင်းသဘင်အခမ်းအနားများဖြင့် နိုင်ငံအတွက်အကျိုးပြုမယ့်သားကောင်းသမီးကောင်းဘွဲ့ရမောင်မယ်များကို ဆက်လက်မွေးထုတ်သွားမှာ ဖြစ်လို့ အကောင်းဆုံးဝန်ဆောင်မှုတွေ၊ နိုင်ငံတကာ အဆင့်မြင့်သင်ကြားရေးစနစ်တွေ တည်ရှိရာ Y-Max College ကြီးသို့ အရောက်လှမ်းလာပြီး လေ့လာကြည့်ဖို့ အားလုံးကို နွေးထွေးစွာ ဖိတ်ခေါ်လိုက်ပါတယ်။