ယနေ့မှစ၍ Y-Max College ဟာ Y-Max University ကြီးအဖြစ် Myanmar Investment Commission ( MIC ) ခွင့်ပြုမိန့်အမှတ် (202/2020) နှင့် သက်ဆိုင်ရာ ပညာရေးဝန်ကြီးဌာနတို့၏ တရားဝင် အသိအမှတ်ပြု မှုဖြင့် ကောလိပ်အဆင့်မှ တက္ကသိုလ် အဆင့်သို့ တိုးမြှင့် မှတ်ကျောက်တင်ခံနိုင်ခဲ့ပြီ ဖြစ်ကြောင်း ဂုဏ်ယူစွာ အသိပေး ကြေငြာအပ်ပါတယ်။ သက်ဆိုင်ရာ ပညာရေးဝန်ကြီးဌာန အဆင့်မြင့်ပညာ ဦးစီးဌာနမှ ပညာရေးညွှန်ကြားရေးမှုးများ၏ ကွင်းဆင်း စစ်ဆေးခြင်း၊ မြန်မာနိုင်ငံရင်းနှီးမြှုပ်နှံမှုကော်မရှင် နှင့်အတူ ဝန်ကြီးဌာန အသီးသီး၏ အဆင့်ဆင့် စီစစ် အကဲဖြတ်ခြင်း လုပ်ငန်းစဉ်များကို အောင်မြင်စွာ ဖြတ်ကျော်ပြီးနောက် တက္ကသိုလ်အဆောက်အအုံ၊ တက္ကသိုလ်အင်္ဂါရပ်တို့နှင့် လျော်ညီသည့် နိုင်ငံတကာ သင်ရိုးများအတိုင်း သင်ကြားပေးနေမှု၊ တက္ကသိုလ်အဆင့် Academic Team နှင့် ဘာသာရပ်အလိုက် အချိန်ပြည့် အချိန်ပိုင်း ဆရာဆရာမအင်အား လုံလောက်စွာထားရှိမှု ၊ ဝန်ထမ်းရေးရာနှင့် စီမံခန့်ခွဲမှုအပိုင်း ဝန်ထမ်းများ လုံလောက်စွာရှိမှု စသည့် အချက်အလက်များ ပြည့်စုံစွာ ရှိသောတက္ကသိုလ်ကြီး တစ်ခုအဖြစ် ရပ်တည်နိုင်ခဲ့ပြီ လည်း ဖြစ်ပါတယ်။ ယခုအထိ Certificate, Diploma, Advanced Diploma, Bachelor Degree မှသည် Master Degree အထိ ကျောင်းသားကျောင်းသူပေါင်း ထောင်၊သောင်းချီပြီး မွေးထုတ်ပေးနိုင်ခဲ့ ၊ ပေးနေဆဲ လည်း ဖြစ်ပါတယ်။ နိုင်ငံတကာရှိ အရည်အသွေးပြည့်ဝပြီး ခိုင်မာမှု ရှိသော ပညာရေးအဖွဲ့အစည်းများ၊ UK တက္ကသိုလ်ကြီး များနှင့် ချိတ်ဆက်ပြီးလည်း ပြည်တွင်း၊ပြည်ပ အသိ အမှတ်ပြု ဘွဲ့ဒီဂရီတွေကို အမိနိုင်ငံတွင်းမှာပင် အိုးမကွာ အိမ်မကွာ အကုန်အကျ သက်သာစွာဖြင့် သင်ယူနိုင်အောင် လည်း YMU Management Team မှ စဉ်ဆက်မပြတ် ဆက်လက်တိုးချဲ့ ဆောင်ရွက်ပေးနေမှာ ဖြစ်ကြောင်း ချစ်ခင်ရတဲ့ ကျောင်းသားကျောင်းသူများနှင့် မိဘများ အားလုံးကို လေးစားစွာ အသိပေးအပ်ပါတယ်။ ယခုလို ကိုဗစ်ကာလမှာလည်း ကျောင်းသား ကျောင်းသူများ၏ ကျန်းမာရေး၊လုံခြုံရေးနှင့် အဆင်ပြေ  သက်သာစွာ ပညာဆက်လက်သင်ကြားနိုင်ရေးအတွက် မိဘနှင့်ဆရာ ပူးပေါင်းကြပ်မတ်ကာ Stay At Home အနေဖြင့် သင်ခန်းစာများ များစွာ နောက်မကျသွားစေရန် Online Learning ပုံစံဖြင့် ဆက်လက်ပို့ချပေးလျှက် ရှိနေပါတယ်။ များမကြာမီ ရောဂါအခြေအနေများပြန်လည် ထိန်းချုပ်လာနိုင်ပြီး ကျောင်းများပြန်လည်ဖွင့်လှစ်ခွင့် ရသည်နှင့် တပြိုင်နက် ပိုမိုကောင်းမွန်သော ယခု Campus -1 အပြင် YMU Campus အသစ်ကြီးတွင်ပါ ထပ်မံ တိုးချဲ့ ပြီး အနာဂတ်ဘဝအတွက် အာမခံချက် ရှိသော နိုင်ငံတကာအသိအမှတ်ပြု Academic Pathway Degree Program များစွာလည်း ဖွင့်လှစ်ပို့ချနိုင်ရန် စီစဉ်ဆောင်ရွက်လျှက် ရှိနေပါကြောင်း ကြိုတင် သတင်းကောင်း ပါးလိုက်ပါတယ်။